Leksikon fun der Nayer Yidisher Literatur

לעקסיקאָן פֿון דער נײַער ייִדישער ליטעראַטור

פּובליציסט, פּראָזאַיִקער, איבערזעצער. געבױרן אין מאָלטינאָװ, לעטלאַנד, שפּעטער אַריבערגעפֿאָרן קײן ריגע. דעביוטירט אין 1913 מיט דערצײלונגען, פֿעליעטאָנען, גיט אַרױס הומאָריסטישע יום־טובֿ־בלעטער. אין 1917 געגרינדעט אין דער שטאָט נאַרװע דעם פֿאַרלאַג „חבֿר“, װעלכער האָט אונטער זײַן רעדאַקציע און טײלװײַז אין זײַן איבערזעצונג אַרױסגעגעבן זאַמלביכער פֿון ניט־ייִדישער ליטעראַטור (מאַרק טװען, לעװ טאָלסטױ, אַ. קופּרין און אַנד.), װי אױך פּאָליטישע בראָשורן. בעת דער ערשטער װעלט־מלחמה און בירגערקריג געלעבט אין מאָסקװע. אָנהײב 1920ער יאָרן זיך אומגעקערט קײן ריגע, מיטגעאַרבעט אין דער טאָג־צײַטונג „דאָס פֿאָלק“. אין 1922 פֿאַרלאָזט די צײַטונג און גיט אַרױס אַ פּאַמפֿלעט „די געלע פּרעסע“. פֿון 1923 און װײַטער מיטגעאַרבעט אין פֿאַרשײדענע ריגער ייִדישע צײַטונגען און זשורנאַלן („די נײַע צײַט“, „לעצטע נײַעס“, „פֿרימאָרגן“, „נײַ־ערד“, „די װאָך“ און אַנד.), רעדאַגירט די הומאָריסטישע זשורנאַלן „אַשמדאַי“ און „גרינע ריטער“. אין אָנהײב פֿון דער צװײטער וועלט־מלחמה האָט ער באַװיזן צו ראַטעװען זיך, באַזעצט זיך אין טאַשקענט. נאָך דער מלחמה קערט ער זיך אום קײן ריגע, אין די 1950ער דרוקט קינדער־דעצײלונגען אין װאַרשעװער „פֿאָלקס־שטימע“.
 

    װערק: „װער זײַנען עס די באָלשע־ װיקעס און מענשעװיקעס“, מאָסקװע, 1917; „דאָס מוז װיסן יעדער פֿרײַער בירגער“ (די מלוכה־אָרדענונג אין פֿראַנקרײַך, ענגלאַנד, אַמעריקע און שװײץ), מאָסקווע, 1917; סעריע „פֿאָלקס־אוניװערסאַל־ביבליאָטעק“: „משלים“ (פֿאַר קלײנע קינדער) — נאָך טאָל־ סטױ, מאָסקווע 1918; „דער פּרינץ און בעט־ לער“, נאָך מאַרק טװען, מאָסקווע, 1918.